සති අන්තයේ පවුල සමග සතුට සොයා යමු....

පොඩි ළමයි ඉන්නකොට සති අන්තයක් කියන්නෙ බොහෝ දෙනාට මහා අවුල් ජාලයක්. ඒත් කරලා ඉවර කරන්න ඕන වැඩ දහසක් ගොඩ ගැහිලා. ඒ වැඩ අස්සෙ පැටවුන්ව අමතක කරලත් බෑ. එයාලත් එක්ක කාලය ගත කරන්න වැඩට යන දෙමව්පියන්ට ලැබෙන හොඳම අවස්ථාවත් මේක. මොකද කරන්නෙ?

SHAGGY - IT WASNT ME

මේ සින්දුව සෑහෙන පරණ එකක්. ඒත් මේක මම අදටත් රස විඳින ගීයක්. කවදාවත් බෝරිං වුනේ නැහැ. බලන්නකෝ ඔබටත් රස විඳින්න පුළුවන් වෙයිද කියලා. නියම යාළුවෙකුයි, උපදෙස් ටිකකුයි :D.  ඔන්න මම සින්දුවේ වචන ටිකත් පහතින් දැම්මා.

Brokeback Mountain; The Movie

මේ චිත්‍රපටිය ටිකක් පරණ නැත්නම් 2005 වසරෙදි නිකුත් වූවක් වුවත් මට කවදාවත් එය නැරඹීමට නොහිතුනේ එහි තේමාව මට ගෝචර වූවක් නොවන නිසයි. ඒත් මට අහම්බෙන් මේක නැරඹීමේ අවස්ථාව ලැබුනා පසුගිය සතියෙ. මම මොනතරම් මගේ මහත්තයාව මේක බලන්න සහභාගි කරවගන්න හැදුවත් මට ලැබුනු උත්තරේ වුනේ 'අනේ ඔය $%^&*....' කියන එක විතරයි. ඒ නිසා මේක මම බැලුවෙ තනිවම, විචාරකයෙක්වත් අදහස් හුවමාරු කරගන්න කෙනෙක්වත් නැතුව. ඒ නිසා මට හිතුනා මගේ බ්ලොග් එකේවත් මේ ගැන ලියලා බලන්න ඕන කියලා. කවුරු හරි මේක නැරඹූ කෙනෙක් ඉන්නවා නම් මට දැනුනු දේ එයාලටත් දැනුනද කියල බලන්න. එහෙම නැත්නම් වෙනස් විදියකට දැනුනද කියල බලන්න.

INXS - Never Tear Us Apart........

මේ සින්දුව ඕස්ට්‍රේලියානු රොක් සංගීත් කණ්ඩායමක් වන INXS විසින් 1988 අගෝස්තු මාසයේදි නිකුත් කරන ලද්දක්. මේ කණ්ඩායමේ ප්‍රධාන ගායකයා Michael Hutchence. ඔහු මොනතරම් දක්ෂ, ජනප්‍රිය ගායකයෙකු වුවත් ඔහුගෙ ජීවිතය එකම ඛේදවාචකයක්. මේ ගීතයේ මුලින්ම රචනා කරල තියෙන්නෙ සංගීතය. Andrew Farriss තමන් රචනා කළ සංගීතය ඩිමෝ එකක් විදියට පටිගත කරලා මයිකල්ට භාරදීලා තියෙනවා. අන්තිමේදි මයිකල් අතින් තමයි මේ සංවේදී ගීතය ලියැවිලා තියෙන්නෙ. ඒ කාලයේ මයිකල්ගෙ පෞද්ගලික ජීවිතයේ සිදුවීම් දිහා බලනකොට හොඳට පේනවා එයා මේ සින්දුව ලියල තියෙන්නෙ තමන්ගෙ හදවතින්මයි කියලා.

Ice Spikes...

ඔන්න එහෙනම් මේ සැරේ බලන්නකො තවත් අයිස්වලින් නිර්මාණය වුනු දෙයක්...

මිදුනු දිය ඇලි........

ඔයාල කවදාවත් දැකල තියෙනවද ශීත කාලෙ දැඩි සීතලට ගල් වෙලා ගිය දිය ඇලි?

Adele - Rolling in the Deep

මා වගේම බටහිර සිංදු ප්‍රිය කරන ඔබටයි මේ......

ගෙවල් දෙකක වෙනස....

පසුගිය කාර්ය බහුල දිනවලම යම් යම් අවශ්‍යතා සඳහා මට මගේ යෙහෙළියන් දෙදෙනෙකුගේ නිවෙස්වලට යන්නට සිදු වුණා. ඒ එක් නිවෙසක් මට සුපුරුදු ස්ථානයක්. නමුත් අනිත් යෙහෙළියගේ නිවෙසට මම ගියේ පළමු වතාවට. ඇත්තටම මට ලොකු වෙනසක් දැනුනා. ඒ දැනුනු දේ නිසා මේක ඔයාලටත් කියලා ඔයාලගෙ අදහසුත් දැනගන්න බ්ලොග් එකට ලියනවා කියලයි එදාම හිතාගත්තෙ.

ඇයි මේ සමහරු ජීවිතේ බොහොම පුංචි දේවල් සංකීර්ණ කරගන්නෙ....?

මට මේ සිදුවීම ලියන්න හිතුනෙ පහුගිය දෙසැම්බර් 31 වෙනිදා සිදුවුනු පුංචි  දෙයක් හින්දා.

Wish You All a Very Merry Christmas and a Happy New Year....!!

ලංකාවට නෑකම් කියන ජාත්‍යන්තර ගායකයා - ගයි සෙබස්තියන්

Guy Theodore Sebastian.....ඔයාල අහල නැති වෙන්න බෑ මේ ගායකයා ගැන... විශේෂයෙන්ම කැන්ගරු දේශයෙ ඉන්න කට්ටිය. ඒත් කී දෙනක් දන්නවද මෙයා තාත්තාගෙ පැත්තෙන් ශ්‍රී ලාංකික සම්භවයක් තියෙන කෙනෙක් බව.

Machu Picchu, Peru..........

ඉන්කාවරුන්ගේ පූජනීය ස්ථානයක් ලෙස සැලකෙන මේ කන්ද පිහිටලා තියෙන්නෙ මුහුදු මට්ටමින් අඩි 7000කට වඩා උසින් අන්දීස් කඳු වැටියත් Urabamba Valley කියන ස්ථානයත් අතර වර්ග සැතපුම් 5ක් පමණ ප්‍රදෙශයක.

Hollywood.......

කැලිෆෝනියාවෙ ලොස් ඇන්ජලීස් නුවර තියෙන කැපී පෙනෙන සළකුනක් විදියට පෙන්වන්න පුළුවන් දෙයක් තමයි මේ හොලිවුඩ් සළකුන. අද වෙනකොට ලෝකෙ බොහෝ දෙනෙකුට මේක දැක්ක ගමන් අඳුනගන්න පුළුවන්. ඒ උනාට 1923දී  මේ අකුරු ටික නිකම්ම නිකම් වෙළඳ දැන්වීමක් විතරයි කියල ඔබ දන්නවද?

අහන්න ආස සිංදුවක් (4)......

මං හරිම ආසයි ප්‍රියා සූරියසේනගෙ මේ සිංදුව රෑට නිදාගන්න ඉස්සරවෙලා අහන්න. අපි විවාහ උනු අළුත, අළුත් ගේ හදාගෙන යද්දි මගේ නංගිගෙ වෙන්න මහත්තයා එනවා අපේ ගෙදර හවසට. මිනිහා හොඳ ගායකයා. දවසක් එයා ගිටාර් එකකුත් අරගෙන ආවා. එයාගෙ නම නලින් කියමු. නලින් හරිම ආසයි කිරි කොස් කන්න. අපේ ගෙවල්වලට ළඟ හන්දියේ ඕනම කාලෙක තියෙනවා කොස් විකුණන්න. කොහෙන් ගෙනවද මන්දා. කොස් මදුළුද, මැල්ලුමට කපපුවාද, පොළොස්ද...ඔය ඕන දෙයක්...

මේ අමුද්‍රව්‍ය දත් බෙහෙත්වල අඩංගු බව ඔබ දන්නවාද......?

ඉපැරණි ග්‍රීක ජාතිකයින් සොයාගත්තට පස්සෙ ඉඳලා නොයෙකුත් දත් බෙහෙත් වර්ග ලෝකෙ හැමතැනම කැරකි කැරකි තිබුණට පළමුවෙනි ලෝක යුද්ධය වෙනකම්ම මේක එච්චර ජනප්‍රිය වෙලා නෑ. ඒ උනාට දිලිසෙන දත් දෙපෙලක් ලබාදෙන බවට ගැරන්ටියකුත් එක්ක කොම්පැනි වලින් දත් බෙහෙත් නිෂ්පාදනය කරන්නට පටන් ගත්තු ගමන්ම මිනිස්සු මේවා මිළදී ගන්න පටන් ගත්තා. ඒ නිසා පළවෙනි ලෝක යුද්ධය ඉවර උනු ගමන්ම දත් බෙහෙත් කියන දේ මිනිස්සුන්ට නැතිවම බැරි දෙයක් බවට පත් උනා...

Make-up විස්මය...!!

මම අද මොනවාවත් කියන්නෙ නෑ.... ඔබම බලලා තීරණය කරන්න......

අහන්න ආස සිංදුවක් (3).......

නිරෝෂා විරාජිනීගෙ සිංදු අතරින් දිවුල්ගනේ එක්ක කියන මේ සිංදුවට මං හරිම ආසයි. මේක මුලින්ම ඇහුවෙ දැනට අවුරුදු ගණනකට කලින් සීගිරිය ඉස්සරහ තිබුණ සජීවී රූපවාහිනී සංගීත ප්‍රසංගයකදි. එදා ඉඳන් අද වෙනකම් එක වගේම ආස සිංදුවක්....... 

අවස්ථාවක් ලැබුනොත් ඔබ මේ ටොයිලට් එක පාවිච්චි කරනවද?

මේක මේ ස්විට්සර්ලන්තයෙ තියෙන මහජන වැසිකිළියක්. පළවෙනි පින්තූරෙ තියෙන්නෙ ඒක පිටින් පේන විදිය.



අහන්න ආස සිංදුවක් (2)....



මම ගොඩක් ආසයි මයිකල් ජැක්සන්ගෙ සිංදුවලටත් එයාගෙ ඩාන්ස්වලටත්. පොඩි කාලෙ කටත් ඇරන් බලන් හිටියෙ මූන් වෝක් කරන දිහා, ටෝ ස්ටෑන්ඩිං, ස්පිනිං දිහා හෙම. පුංචි කාලෙ මූන් වෝක් කරන්න ගිහින් කකුළත් උළුක්කරගත්ත මතකයි. පසුකාලෙක ඒ මනුස්සයට මුහුණ දෙන්නට සිදුවෙච්චි අවනඩුවල ඇතුලාන්තය දිහා බලනකොට මොනතරම් සාර්ථක මිනිහෙක් උනත් කොයි තරම් මානසික ආතතියකින් ජීවත් වෙන්න ඇතිද කියලා හිතෙනවා. ඒ වගේම ජැක්සන්ට තිබුනු ලෙඩ රෝග දිහා බලනකොට ඇති මේ වගේ ඩාන්සිං කළා කියල හිතෙනවා.
 

ඔබ හිට්ලර් විසින් නිර්මාණය කළ චිත්‍ර දැක තිබෙනවාද....?

ඇඩොල්ෆ් හිට්ලර්, තම ජීවිත කාලය තුල චිත්‍ර ඇඳීමට සෑහෙන ප්‍රියතාවයක් දැක්වූ පුද්ගලයෙකු ලෙසිනුයි සැලකෙන්නෙ. ඔහු වියෙනාවල නැවතිලා සිටි කාලය ඇතුලත මෙවැනි චිත්‍ර සහ පෝස්ට් කාඩ් දහස් ගණනක් විකුණන්නට ඇතැයි සැලකෙනවා. ඉන් සමහරක් අදත් ඒ ගැණුම්කරුවන් විසින් ප්‍රදර්ශනය කරනවා. ඒ උනාට හිට්ලර් කවදාවත් තමා චිත්‍ර ශිල්පියෙක් බව ප්‍රකාශ කරල නැහැ.  කුමන ශෛලියක චිත්‍ර අඳින්නට ඉගෙන ගත්තත් අවසානයේදී ඔහු තමාගෙම ශෛලියකට චිත්‍ර ඇඳි බවක් කියැවෙනවා.